O nanang nga ensemek ko
Iyay kha ngoy piyan kon ikowan:
Piyan kon mansedamat:
ni mo en engi-nakan son si-khak,
ni inpangen-enos mon engipa-badeg son 'khak,
jet ingkhato pay laeng niman wara ka ngo eshan na kaon-al-alvad.
No singka-shom kayman (kanayon pay emo :p)
enshi nak kaipa-sas ono kaikowan
ja pansedamat ono nganto man
ja pengipa-sas ko ni nak pan-iyaman.
Isonga niman piyan kon ipinpinshowa
i nak pan-iyaman ni emin na jo dingdingkha
para ni panmaptengan ko.
Salasalamat son si-khayo.
--JSB.May 08, 2010. Wangal, LTB.
(This is a tribute to my mom...just a few words but means more. To my mom, HAPPY MOTHER'S DAY! Love you. This is written in my heart language--Ibaloi.)
Friday, October 19, 2012
Digat ni Manseskhed
Oltimo kayman i digat
ni toon emansesseskhed.
Eg amta i oras sa imotok
nonta toon mesmeskhed.
No pinsak mesnit kita
tep sota oras kimawas mala
Eg edaga lay eshom ma obda
jet angkhen pati anos ket singen ma-bos ngo la.
Ara kayman!
Digat ni penongpal ni tolagan.
Angkhen alas dosiy naykowan
kenshat ngon medeshaw i en motokan.
Ngantoy emo iyay ya ogadi
ni eshom ma eg sha entapi
oras sa kaondabas
ni seksekhed ja singa tokita pejokmos.
(Foray.SM MOA. 25 Apr 2010)
ni toon emansesseskhed.
Eg amta i oras sa imotok
nonta toon mesmeskhed.
No pinsak mesnit kita
tep sota oras kimawas mala
Eg edaga lay eshom ma obda
jet angkhen pati anos ket singen ma-bos ngo la.
Ara kayman!
Digat ni penongpal ni tolagan.
Angkhen alas dosiy naykowan
kenshat ngon medeshaw i en motokan.
Ngantoy emo iyay ya ogadi
ni eshom ma eg sha entapi
oras sa kaondabas
ni seksekhed ja singa tokita pejokmos.
(Foray.SM MOA. 25 Apr 2010)
Para son Tatang
Semek ni sakey ya ama
Eg amta ono medekna
Tep sha kaiemot son si-khata
Angkhen mangkakeshaw ma son si-khara.
No singka-shom eg metongolan
No semek to ngata sotan
Nem kenshat to eshan
Tep say tatang no pinsak, eg maev-evatan.
Mengibonget ey enshi basbasol
No ekhay, iit-itek shakitan enshi kavkavol
Kita et ngo mowan kaonbaing
So ni totoon emengit-itneng.
Nem saman kayman emo
Pengipa-sas to ni semek to
Tep eg to amtay pesing ton mengikowan ngo
Ni semek to ni anak to ni sangon-sango.
Saman emo tep say kowansha
Maemot i dekna tan esel ni ama
Karkaro kayman ngo
No say ama ket Ivadoy ja oltimo. ;)
Saja ngoy nak maikowan
Niman na timpo ja kowan sha ey 'Father's Day'
Para son si-kham Tatang, Ama, Daddy
Eshadsak ja akhew para son si-kham.
(Foray.Wangal.061610)
Eg amta ono medekna
Tep sha kaiemot son si-khata
Angkhen mangkakeshaw ma son si-khara.
No singka-shom eg metongolan
No semek to ngata sotan
Nem kenshat to eshan
Tep say tatang no pinsak, eg maev-evatan.
Mengibonget ey enshi basbasol
No ekhay, iit-itek shakitan enshi kavkavol
Kita et ngo mowan kaonbaing
So ni totoon emengit-itneng.
Nem saman kayman emo
Pengipa-sas to ni semek to
Tep eg to amtay pesing ton mengikowan ngo
Ni semek to ni anak to ni sangon-sango.
Saman emo tep say kowansha
Maemot i dekna tan esel ni ama
Karkaro kayman ngo
No say ama ket Ivadoy ja oltimo. ;)
Saja ngoy nak maikowan
Niman na timpo ja kowan sha ey 'Father's Day'
Para son si-kham Tatang, Ama, Daddy
Eshadsak ja akhew para son si-kham.
(Foray.Wangal.061610)
DINGAYOS ni ANAK KA TINAYNAN ni AMA TO
No kaonsabi kayman iyay ya timpo
Mangkainemnem I ama.
Kita maikkot shi eshom ma pamilja
Waren kadwara i amesha.
Wara kayman i ama
Nem eg amta no towa emo la.
Manipod ni ingkanga-nga, ekhak met da naon-on-an
Tep shakami met ngo la tinaynan ey eg towak pay lang in-anak nen nanang.
Nonta kaaneng ko, kowan nen nanang ko
Wara ked naybetaw wa mandagbo
Para son si-khamin ensemek mo
Nem ara kayman betaw ni mo en siniw-siwang
Eg shakami ngo di en pinaspasyal angkhen san-akhew koma bengat mango.
Niman na bimmadegak ma
Ja polos eg taha inon-on-an tan eg taha am-amta.
Jet inamtak pay sota agpayso
Ja khabol la tinaynan mokami so
Ta si-kham wara gayam pamiljam ja kosto.
Oowap gayam nen nanang
Jen ka nandagbo shi dogad ja mo dinavan.
Ta mokami tinaynan tan dinibkhan.
Jet niman ja kowan shay akhew ira ni tatang
Ekhak amtay dekna to tep enshi nak maykowan ja amak ngo.
(Foray. Wangal. 16 June 2010)
Mangkainemnem I ama.
Kita maikkot shi eshom ma pamilja
Waren kadwara i amesha.
Wara kayman i ama
Nem eg amta no towa emo la.
Manipod ni ingkanga-nga, ekhak met da naon-on-an
Tep shakami met ngo la tinaynan ey eg towak pay lang in-anak nen nanang.
Nonta kaaneng ko, kowan nen nanang ko
Wara ked naybetaw wa mandagbo
Para son si-khamin ensemek mo
Nem ara kayman betaw ni mo en siniw-siwang
Eg shakami ngo di en pinaspasyal angkhen san-akhew koma bengat mango.
Niman na bimmadegak ma
Ja polos eg taha inon-on-an tan eg taha am-amta.
Jet inamtak pay sota agpayso
Ja khabol la tinaynan mokami so
Ta si-kham wara gayam pamiljam ja kosto.
Oowap gayam nen nanang
Jen ka nandagbo shi dogad ja mo dinavan.
Ta mokami tinaynan tan dinibkhan.
Jet niman ja kowan shay akhew ira ni tatang
Ekhak amtay dekna to tep enshi nak maykowan ja amak ngo.
(Foray. Wangal. 16 June 2010)
Kaskasmek ka Agi
Son si-kham ja agik
Karam dibdibkhan iyay jen ikarik
Ensemek taha ngo eshan
Jet dag-en kon emin
Para ni mo panmaptengan.
Owen kayman no mamingsan
Taka kaiselngak tep mabongetak
Isahit taha ngo eshan
Angkhen ngatoy mepespesamak.
Metongpal ko man ono enshi
Emin iyay ya nak ingkari
Basta iedet mod nemnem mon eg mo dibdibkhan
Semek kon ingkhatod panongpalan.
Kaskasmek ken agi.
Foray. Wangal. 17 June 2010
Karam dibdibkhan iyay jen ikarik
Ensemek taha ngo eshan
Jet dag-en kon emin
Para ni mo panmaptengan.
Owen kayman no mamingsan
Taka kaiselngak tep mabongetak
Isahit taha ngo eshan
Angkhen ngatoy mepespesamak.
Metongpal ko man ono enshi
Emin iyay ya nak ingkari
Basta iedet mod nemnem mon eg mo dibdibkhan
Semek kon ingkhatod panongpalan.
Kaskasmek ken agi.
Foray. Wangal. 17 June 2010
Sakit ni Nemnem ni Anak so ni Ama
Ngantoy jen sajay mo inpaspasing
Son si-khamin annak mo?
Kowan moy ensemek mokami
Nem ngantoy nem sakit ni nemnem
Mo in-akan son si-khami?
Emin jen dingdingkham
Kowan moy mi panmaptengan
Nem enshi met ta afil gayam
Imbis komen mapteng mi panpa-no-an
Ngaaw met day mi nambanagan.
Ngantoy ngay jen hatan i mo en dingkha?
Aliva ayen risponsibilidad mon dag-en i emin?
Say mapteng i mi ngo en pambenagan?
Ngantoy nem emin met ta mo kedag-a
Enshi met mapteng to in-akan jen angkhen otik koma?
Ensemek mokami ngata?
Kowan mo met ey owen
Nem ekhak patpatien itan
Tep enshi mo dingkhen to ka-sa-san
Nita ira mo ikokowan.
Foray. Wangal. June 18, 2010
Son si-khamin annak mo?
Kowan moy ensemek mokami
Nem ngantoy nem sakit ni nemnem
Mo in-akan son si-khami?
Emin jen dingdingkham
Kowan moy mi panmaptengan
Nem enshi met ta afil gayam
Imbis komen mapteng mi panpa-no-an
Ngaaw met day mi nambanagan.
Ngantoy ngay jen hatan i mo en dingkha?
Aliva ayen risponsibilidad mon dag-en i emin?
Say mapteng i mi ngo en pambenagan?
Ngantoy nem emin met ta mo kedag-a
Enshi met mapteng to in-akan jen angkhen otik koma?
Ensemek mokami ngata?
Kowan mo met ey owen
Nem ekhak patpatien itan
Tep enshi mo dingkhen to ka-sa-san
Nita ira mo ikokowan.
Foray. Wangal. June 18, 2010
Si-kham itangkhak ko, O Apo
Saja matak naka itangkhak, son Si-kham, O Apo
shi sajay ya in-akan mon nak kepanda-kami.
Salamat Apo tep si-kham emengi-kan ni kedsang ko
shi inakhew tan dinabbi.
Shi sajay jen oras ket naka ontakot
Si-kham, O Apo i toled ko.
Ekhak maevatan
nem Si-kham i mengipaevat, O Apo.
~~foray, May 4, 2011
Subscribe to:
Posts (Atom)